| 《MW毒氣風暴》
不想整理, 只想將在電影院內的潛台詞記下:
1. 整乜理宜家D戲有理無理都咁鬼鐘意將個鏡頭Fing嚟Fing去. 我個頭真係好暈, 而亦都唔覺得呢套戲須要無端端扮有真實感, 緊張嘅氣氛唔係靠個鏡頭搖搖下就做到
2. 好彩入場前睇咗套漫畫, 唔知無睇過原著嘅人明唔明個故仔想講咩呢?
3. 第一場私家車追地鐡無端端都拖咁長, 拍呢D追車撞車場面前, 不如真係睇下陳木勝偷下師先
4. 成套戲除咗兩個男主角同MW之外, 基本上同個原著無咩相同, 我唔係expect你好似《20世紀少年》咁連分鏡都要跟咁誇張, 但係你改篇唔代表要over-simplify成個故仔, cut晒所有人物內心嘅爭扎, 脈絡關係, 跟本就交代唔到點解賀來神父嘅矛盾, 結城想要全世界陪佢死呀! 唔係淨係想毁滅東京或者賣MW賺錢呀!!
5. 乜原來係2009年同性戀仍然係咁myth架咩? 我唔明點解要Cut咗條感情線囉...
6. 搞咩個50幾60歲嘅警察會咁勇, 咁勁可以追電單車呢? 如果要安排一個體能好勁嘅警察, 會唔會搵個年輕少少嘅演員會有說服力D呢? 我好"鄧"個男演員辛苦
7. 玉木宏真係好好好好好型呀~~~!!!!!!!!!!!! 係我見佢做過最型嘅角色!
十級的失望是緣於入場前太大的期望, 盡管每個看過的朋友都對警告我這是一齣爛片, 但不入場一看我是不會死心的, 現在, 我終於可以加入破口大罵的大本營了!!!! |
